കമ്പനി നിയമം: ട്രിബ്യൂണലിന്‍റെ അധികാരങ്ങ ള്‍

ട്രിബ്യൂണലിന്‍റെ അധികാരങ്ങ ള്‍

വകുപ്പ് 272 പ്രകാരം പിരിച്ചു വിടുന്നതിനുള്ള ഒരു ഹര്‍ജി കിട്ടിയാ ല്‍ ട്രിബ്യൂണല്‍ താഴെപ്പറയുന്ന ഏതെങ്കിലും ഉത്തരവുക ള്‍ പാസ്സാക്കും:-

(a)    ചിലവോടെയോ അല്ലാതെയോ അത് തള്ളും;

(b)   അതിനു യുക്തമെന്നു തോന്നുന്ന ഇടക്കാല ഉത്തരവിടും;

(c)    ഒരു പിരിച്ചുവിടല്‍ ഉത്തരവുണ്ടാകുന്നത് വരെ കമ്പനിക്ക്‌ ഒരു താത്കാലിക ലിക്വിഡേറ്ററെ നിയമിക്കും;

(d)   ചിലവോടെയോ അല്ലാതെയോ കമ്പനിയുടെ പിരിച്ചുവിടലിന് ഒരു ഉത്തരവിടും;

(e)   അതിനു യുക്തമെന്നു തോന്നുന്ന മറ്റേതെങ്കിലും ഉത്തരവിടും.

ഹര്‍ജി അവതരിപ്പിച്ച ദിവസം മുത ല്‍ തൊണ്ണൂറു ദിവസത്തിനുള്ളി ല്‍ ഈ ഉപവകുപ്പ് പ്രകാരമുള്ള ഒരു ഉത്തരവിടണം:

ഉ.വ.(c) പ്രകാരം ഒരു താത്കാലിക ലിക്വിഡേറ്ററെ നിയമിക്കുന്നതിനു
മു ന്‍പ് ട്രിബ്യൂണല്‍ കമ്പനിക്ക്‌ നോട്ടീസ് നല്‍കുകയും, അത്തരം നോട്ടീസ് ഒഴിവാക്കാന്‍ ട്രിബ്യൂണലിന് യുക്തമെന്നു തോന്നുന്നതും എഴുതി രേഖപ്പെടുത്തുന്നതുമായ വിശേഷമായ കാരണങ്ങ ള്‍ ഇല്ലെങ്കില്‍, അതിന്‍റെ നിവേദനങ്ങള്‍ ഉണ്ടെങ്കില്‍ നടത്താന്‍ അതിനു ഒരു ന്യായമായ അവസരം ലഭ്യമാക്കുകയും ചെയ്യും:

കമ്പനിക്ക്‌ ആസ്തികളൊന്നും ഇല്ലെന്നോ, കമ്പനിയുടെ ആസ്തികള്‍ അത്തരം ആസ്തികള്‍ക്ക് തുല്യമായ അഥവാ അതി ല്‍ കവിഞ്ഞ ഒരു തുകയ്ക്ക് പണയപ്പെടുത്തിയെന്നോ ഉള്ള കാരണത്താ ല്‍ മാത്രം ട്രിബ്യൂണല്‍ ഒരു പിരിച്ചു വിട ല്‍ ഉത്തരവ് നിരസിക്കില്ല.

[വ. 273 (1)]

കമ്പനി പിരിച്ചു വിടുന്നത് യുക്തവും സമനീതിപരവുമാണെന്ന കാരണത്താല്‍ ഒരു ഹര്‍ജി അവതരിപ്പിച്ചിട്ടുള്ളപ്പോ ള്‍, ഹര്‍ജിക്കാര്‍ക്ക് മറ്റേതെങ്കിലും പ്രതിവിധി ലഭ്യമാണെന്നും ആ പ്രതിവിധിക്ക് ശ്രമിക്കാതെ കമ്പനിയുടെ പിരിച്ചു വിടല്‍ തേടിയുള്ള അവരുടെ പ്രവൃത്തി അന്യായമാണെന്നും അതിനു അഭിപ്രായമുണ്ടെങ്കില്‍ ട്രിബ്യൂണല്‍, പിരിച്ചു വിടുന്നതിനുള്ള ഒരു ഉത്തരവ് നിരസിക്കും.      

[വ. 273 (2)]

#CompaniesAct